प्यूठान। जिल्लाका विभिन्न पालिकामा गरी कूल १ लाख ६५ हजार ४०४ मतदाता रहेका छन्। उपलब्ध तथ्याङ्कअनुसार जिल्लाभर ९८ मतदान स्थल र २३० मतदान केन्द्र निर्धारण गरिएको छ।
तथ्याङ्कअनुसार ऐरावती गाउँपालिकामा १६ हजार ९८३ मतदाता रहेका छन् भने त्यहाँ १८ मतदान स्थल र २१ मतदान केन्द्र तोकिएका छन्। गौमुखी गाउँपालिकामा ९ हजार ६०८ मतदाता रहेका छन्, जहाँ १६ मतदान स्थल र २३ मतदान केन्द्र कायम गरिएको छ।
यस्तै, झिमरुक गाउँपालिकामा २१ हजार २८९ मतदाता रहेका छन् भने २० मतदान स्थल र ३२ मतदान केन्द्र निर्धारण गरिएको छ। नौबहिनी गाउँपालिकामा २० हजार ९७३ मतदाता, २२ मतदान स्थल र २९ मतदान केन्द्र रहेका छन्।
त्यसैगरी, स्वर्गद्वारी नगरपालिकामा ३६ हजार ५२८ मतदाता रहेका छन्। यहाँ २२ मतदान स्थल र ५३ मतदान केन्द्र तोकिएका छन्। मल्लरानी गाउँपालिकामा १३ हजार ९३९ मतदाता, १३ मतदान स्थल र १६ मतदान केन्द्र रहेका छन्।
माण्डवी गाउँपालिकामा १० हजार ६३९ मतदाता रहेका छन् भने १० मतदान स्थल र १६ मतदान केन्द्र कायम गरिएको छ। सरुमारानी गाउँपालिकामा १२ हजार ७९९ मतदाता, १४ मतदान स्थल र १९ मतदान केन्द्र रहेका छन्।
सबैभन्दा बढी मतदाता संख्या रहेको प्यूठान नगरपालिकामा २२ हजार २५६ मतदाता रहेका छन्। यहाँ २० मतदान स्थल र ३९ मतदान केन्द्र निर्धारण गरिएको छ।
जिल्लाभरका मतदान स्थल र केन्द्रहरूको व्यवस्थापन पूरा भइसकेको जनाइएको छ। सम्बन्धित निकायले निर्वाचनलाई स्वच्छ, निष्पक्ष र भयरहित बनाउन आवश्यक तयारी अगाडि बढाएको जनाएको छ।
