पोखरा । तनहुँमा एक आमाले आफ्नै ४ महिने छोरालाई ढुंगाले हानेर हत्या गरेकी छिन् । नवजात शिशुको हत्या आरोपमा नवलपुर बौदिकाली गाउँपालिका–२ अर्मलेकी ३६ वर्षीया कमला परियारलाई पक्राउ गरिएको हो ।
तनहुँ घिरिङ गाउपालिका वडा नं ४ थामडाँडामा सोमबार उनले आफ्नै छोरा अर्जुन परियारलाई ढुंगाले हानी हत्या गरेको प्रहरीको प्रारम्भिक अनुसन्धानले देखाएको छ । ढुंगा प्रहारबाट गम्भीर घाइते भएका अर्जुनको पाल्पाको रामपुर अस्पताल पुर्याइएकोमा अस्पतालले मृत घोषणा गरेको तनहुँ प्रहरीका सूचना अधिकारी डीएसपी अशोक थापाले जानकारी दिए ।
